को जी होलो औंणू?
‘घुगति-बसूती’ घूरी घुगति डालि म,
उज्यालि मयलि घूरी घुगती डालि म
रीटि-फीरि आई ऋतु,
धड़म बाजी लाठी।
फूलु की फूल्यालि आई,
गिंवड् यूँ की बाटी॥ घुगति बसूती.
डाँडी हैरि डालि मौलि,
रंग-मती बँसूला।
धरती क कंठ आज,
फूलु की हंसुली॥ घुगति बसूती.
पंथ्या धौलू फ्योंलि , आरु
लय्या फूशे बुरांस ।
घुंगटंयालि ठुमकदी आई,
झपन्यालों, हिलाँस॥ घुगति बसूती.
पैत्वल्यों पराज-आज,
कंठ की बडुली।
आज को जी होलु औंणू?
डुलदी च लटुली॥ घुगति बसूती.